Police | Funeral | காதலித்த மகள் - உயிரோடு இருக்கும்போதே இறுதிச்சடங்கு செய்த பெற்றோர் #Funeral #UttarPradesh #Police #ViralVideo உத்தரப் பிரதேச மாநிலம் பிரதாப்கர் மாவட்டத்தில், மாற்று சமூகத்தைச் சேர்ந்த இளைஞரை காதலித்த இளம்பெண்ணுக்கு, அவரது பெற்றோர் உயிரோடு இருக்கும்போதே இறுதிச்சடங்கு நடத்திய சம்பவம் அதிர்ச்சியை ஏற்படுத்தியுள்ளது. ஜேத்வாரா பகுதியைச் சேர்ந்த இளம்பெண், அதே பகுதியைச் சேர்ந்த இளைஞரை காதலித்து வந்ததாக கூறப்படுகிறது. ஒரு மாதத்திற்கு முன்பு வீட்டை விட்டு சென்ற அவரை, குடும்பத்தினர் அளித்த புகாரின் பேரில் போலீசார் மீட்டு அழைத்து வந்தனர். அப்போது, தான் மேஜர் என்றும், தனது விருப்பப்படி காதலனுடன் வாழ விரும்புவதாகவும் பெண் போலீசாரிடம் தெரிவித்ததாக கூறப்படுகிறது. இதனால் ஆத்திரமடைந்த குடும்பத்தினர், மகளுடனான உறவை துண்டிப்பதாக கூறிவிட்டு, வீட்டுக்குத் திரும்பியுள்ளனர். பின்னர் அவரது புகைப்படத்தை வைத்து உருவ பொம்மை ஒன்றை தயாரித்து, பாடை கட்டி ஊர்வலமாக எடுத்துச் சென்று, அதற்கு இறுதிச்சடங்கு செய்துள்ளனர். மேலும், 13-ஆம் நாள் சடங்கான நடத்தவும் குடும்பத்தினர் திட்டமிட்டுள்ளதாக கூறப்படுகிறது.