நாட்டு மக்களிடையே தொலைக்காட்சி மூலம் உரையாற்றிய அவர், "மிஷன் சக்தி" வெற்றிகரமாக சோதனை செய்யப்பட்டதாகக் கூறினார். செயற்கைக்கோள் மூலம் ஏவப்படும் "ஏ-சாட்" எனும் அந்த ஏவுகணை, 300 கிலோ மீட்டர் தொலைவில் இருந்த மற்றொரு இந்தியாவின் லியோ செயற்கைக்கோளை 3 நிமிடத்தில் தாக்கி அழித்து இருப்பதாக பிரதமர் மோடி தெரிவித்துள்ளார். இதன்மூலம், திருட்டுத்தனமாக நாட்டை கண்காணிக்கும், செயற்கை கோள்களை இனி தகர்த்தெறிய முடியும் என அவர் பெருமிதத்துடன் கூறினார். அமெரிக்கா, சீனா, ரஷ்யா ஆகிய நாடுகளுக்கு அடுத்ததாக இந்தியா இந்த சாதனையை நிகழ்த்தி இருப்பதாக அவர் தெரிவித்துள்ளார். இதன்மூலம் விண்வெளித்துறையில் இந்தியா நான்காவது இடத்தைப் பெற்றிருப்பதாகவும் மோடி குறிப்பிட்டார்.