பரபரப்பான சூழலில், நாடாளுமன்ற குளிர் கால கூட்டத்தொடர் இன்று துவங்குகிறது. கூட்டத்தொடரை சுமூகமாக நடத்துவது குறித்து விவாதிக்க, மக்களவை தலைவர் சுமித்ரா மகாஜனும், மாநிலங்களவை தலைவரும், குடியரசு துணைத்தலைவருமான வெங்கையா நாயுடுவும் தனித்தனியாக அனைத்துக்கட்சித் தலைவர்கள்கூட்டத்திற்கு அழைப்பு விடுத்துள்ளனர். ஜனவரி 8 ம் தேதி வரை நடைபெறும் நாடாளுமன்ற கூட்டத்தொடரில், மக்களவையில் 15 முக்கிய மசோதாக்களையும், மாநிலங்களவையில் 8 மசோதாக்களையும் நிறைவேற்ற மத்திய அரசு முடிவு செய்துள்ளது. இதனிடையே, அயோத்தி விவகாரம் உள்பட பல முக்கிய பிரச்சினைகளை, நாடாளுமன்றத்தில் எழுப்ப, எதிர்க்கட்சிகள் முடிவு செய்துள்ளதால், இந்த கூட்டத்தொடர், அனல் பறக்கும் என எதிர்பார்க்கப்படுகிறது.