ஷங்காய் ஒத்துழைப்பு நாடுகளின் தேசிய பாதுகாப்பு ஆலோசகர்கள் காணொலி மூலம் பங்கேற்ற மாநாட்டில் இருந்து, பாகிஸ்தானுக்கு எதிர்ப்பு தெரிவித்து இந்தியா நேற்று கூட்டத்தில் வெளியேறியது. ரஷ்ய தேசிய பாதுகாப்பு ஆலோசகர் தலைமையில் நடைபெற்ற இந்த கூட்டத்தில், பாகிஸ்தான் தேசிய பாதுகாப்பு ஆலோசகர், இந்திய பகுதிகளை உள்ளடக்கிய கற்பனையான ஒரு பாகிஸ்தான் தேசிய வரைபடத்தை காண்பித்தார். இதற்கு நமது தேசிய பாதுகாப்பு ஆலோசகர் அஜித் தோவல் எதிர்ப்பு தெரிவித்தார். ரஷ்ய தேசிய பாதுகாப்பு ஆலோசகர் அனுமதி அளிக்காத நிலையில், கூட்டத்தின் விதிமுறைகளை மீறி பாகிஸ்தான் தேசிய பாதுகாப்பு ஆலோசகர் செயல்பட்டதை தொடர்ந்து, ரஷ்ய தேசிய பாதுகாப்பு ஆலோசகர் அனுமதியுடன் அஜித்தோவல் கூட்டத்தை விட்டு வெளிநடப்பு செய்துள்ளார்.