நடப்பு ஆண்டுக்கான உலக அழகிப் போட்டி, ஹைதராபாத்தில் மே மாதம் 10ஆம் தேதி தொடங்கியது. இந்த போட்டியில் பங்கேற்பதற்காக 109 நாடுகளைச் சேர்ந்த அழகிகள், இந்தியாவுக்கு வந்திருந்தனர். சனிக்கிழமை மாலை நடந்த இறுதிச்சுற்றில், தாய்லாந்தைச் சேர்ந்த ஓபல் சுசாட்டா சுவாங்ஸ்ரீ வெற்றி பெற்று, 2025-ம் ஆண்டுக்கான உலக அழகிப் பட்டத்தை வென்றார். அவருக்கு 2024-இல் உலக அழகி பட்டத்தை வென்ற செக் குடியரசு நாட்டைச் சேர்ந்த கிறிஸ்டினா பிஸ்கோவா, மகுடம் சூட்டி மகிழ்ந்தார்.