மக்களவை சபாநாயகருக்கு எதிரான தீர்மானம் மீது இன்று விவாதம் மக்களவை சபாநாயகர் ஓம் பிர்லாவை பதவியிலிருந்து நீக்கக் கோரி எதிர்க்கட்சிகள் கொண்டு வந்துள்ள தீர்மானம் இன்று மதியம் 12 மணி அளவில் விவாதத்திற்கு வரக்கூடும் என தெரியவந்துள்ளது. முன்னதாக சபாநாயகர் மீதான தீர்மானம் நேற்று விவாதத்திற்கு வரும் என எதிர்பார்க்கப்பட்ட நிலையில், அவையில் நிலவிய தொடர் அமளி காரணமாக இந்த தீர்மானம் இன்று விவாதத்திற்கு வரும் என தெரிகிறது. இந்த தீர்மானத்திற்கு காங்கிரஸ், சமாஜ்வாதி, திமுக உள்ளிட்ட கட்சிகள் ஆதரவு தெரிவித்த நிலையில், தற்போது திரிணாமுல் காங்கிரஸ் கட்சியும் ஆதரவு தெரிவித்துள்ளதாக கூறப்படுகிறது.