இது தொடர்பான மனுக்களை, கடந்த 3 நாட்களாக, உச்சநீதிமன்ற நீதிபதிகள் என்.வி. ரமணா, எஸ்.கே. கவுல், சுபாஷ் ரெட்டி, பி.ஆர். கவாய், சூர்ய காந்த் ஆகியோர் அடங்கிய அரசியல் சாசன அமர்வு முன் விசாரணை நடைபெற்று வந்தது. இன்றைய விசாரணையில், மனுதாரர்கள் சார்பாக வாதிட்ட வழக்குரைஞர்கள், ஜம்மு- காஷ்மீரின் அரசியல் சாசனத்தை திருத்தும் அதிகாரம் இந்திய அரசியல் சாசனத்துக்கு இல்லை என வாதிட்டனர். இதற்கு பதிலளித்த மத்திய அரசு தரப்பு, 370-வது பிரிவின் நோக்கம் குறித்தும், காஷ்மீர் குறித்த தவறான கண்ணோட்டத்தை ஏற்படுத்தும் வாதங்களை முன்வைக்க அனுமதிக்க கூடாது என வாதிடப்பட்டது. இதனையடுத்து இந்த வழக்கு தேதி குறிப்பிடாமல் ஒத்திவைக்கப்பட்டது.