கேரளாவில் அதிகரித்து வரும் மஞ்சள் காமாலை பாதிப்பில், 14 வயது சிறுவன் உட்பட இருவர் உயிரிழந்துள்ளனர். கேரளாவின் எர்ணாகுளம் மாவட்டம் வெங்கூர் பகுதியில், கடந்த 17 ஆம் தேதி முதல் 171 பேருக்கு மஞ்சள் காமாலை பாதிப்பு கண்டறியப்பட்டது. இதில், நான்கு பேர் ஆபத்தான நிலையில் சிகிச்சை பெற்று வந்த நிலையில், பெண் ஒருவர் சிகிச்சை பலனின்றி உயிரிழந்திருக்கிறார். இதே போல், மலப்புரம் மாவட்டம் காளிகாவை சேர்ந்த 14 வயது சிறுவன் ஒருவரும் மஞ்சள் காமாலையால் உயிரிழந்திருப்பது கேரளாவில் பரபரப்பை ஏற்படுத்தியிருக்கும் நிலையில், பொதுமக்கள் அனைவரும் காய்ச்சி வடிகட்டிய சுத்தமான நீரை பருகுமாறு சுகாதாரத்துறை அதிகாரிகள் வலியுறுத்தி வருகின்றனர்.