ஆந்திர மாநிலம் ஸ்ரீஹரிகோட்டா சதீஷ் தவான் விண்வெளி ஆய்வு மையத்தில் இருந்து பிஎஸ்எல்வி- சி.சிக்ஸ்டி ராக்கெட் வெற்றிகரமாக விண்ணில் பாய்ந்தது. இந்த ராக்கெட் ஏவப்படுவதை, பல்வேறு பகுதிகளில் இருந்து வந்திருந்த பள்ளி சிறுவர்கள் உற்சாகத்துடன் கண்டுகளித்தனர்...

இந்த ராக்கெட்டில் (SpaDeX- A) ஸ்பேடெக்ஸ் - ஏ, ஸ்பேடெக்ஸ் - பி (SpaDeX- B)ஆகிய இரண்டு விண்கலன்கள் உள்ளது. தலா 220 கிலோ எடை கொண்ட இந்த செயற்கைக்கோள்கள் விண்வெளியில் சில கிலோ மீட்டர்கள் இடைவெளியில் நிலை நிறுத்தப்படும். பிறகு சிறிது சிறிதாக இந்த இடைவெளியை குறைத்து இரண்டு விண்கலன்களும் ஒன்றாக இணைக்கப்படவுள்ளது. இப்படி விண்கலன்கள் ஒன்றோடு ஒன்று இணைக்கப்படும் செயல்முறை 'டாக்கிங்' என அழைக்கப்படுகிறது.