இமாச்சல் மாநிலத்தில் உள்ள மண்டி மக்களவைத் தொகுதியில் பாஜக சார்பில் பாலிவுட் நடிகை கங்கனா ரனாவத் போட்டியிடுகிறார். இதுகுறித்து, காங்கிரஸ் செய்தித் தொடர்பாளர் சுப்ரியா ஸ்ரீநாட்டேவின் இன்ஸ்டாகிராம் பக்கத்தில், சர்ச்சைக்குறிய கருத்து பதிவிடப்பட்டது. இதற்கு பல்வேறு தரப்பினர் கடும் கண்டனம் தெரிவித்த‌தால், உடனடியாக பதிவை நீக்கிய சுப்ரியா, எந்த ஒரு பெண் குறித்தும் மோசமான கருத்துக்களை தெரிவித்த‌து இல்லை என கூறியுள்ளார். மேலும், தன்னுடைய சமூக வலைத்தள பக்கத்தை பலர் கையாள்வதாகவும், அவர்களில் யார் இவ்வாறு பதிவிட்டது என்பதை கண்டறிய முயற்சித்து வருவதாகவும் கூறியுள்ளார். இதனிடையே, சுப்ரியா மீது தேசிய மகளிர் ஆணையம் வழக்குப்பதிவு செய்துள்ளது. மேலும், சுப்ரியா மீது கடும் நடவடிக்கை எடுக்க வேண்டும் என்று, தேர்தல் ஆணையருக்கும் கடிதம் அனுப்பியுள்ளது.