மகாத்மா காந்தி நினைவு தினமான, கடந்த 30ம் தேதியன்று, அகில பாரத இந்து மகாசபா அமைப்பை சேர்ந்த சிலர், காந்தியின் உருவ பொம்மையை துப்பாக்கியால் சுட்ட காட்சிகள் வெளியாகின. இதற்கு காங்கிரஸ் கட்சி கடும் கண்டனம் தெரிவித்துள்ளது. இந்து மகாசபா அமைப்பினருக்கு எதிராக போராட்ட அறிவிப்பையும் வெளியிட்டுள்ளது. அதன்படி, இந்தியா முழுவதும் உள்ள மாநில தலைநகரங்களில் இன்று காலை 10 மணிக்கு ஆர்ப்பாட்டம் நடைபெறுகிறது.