மாநிலங்களுக்கு நேரடியாக தடுப்பூசிகளை விற்பனை செய்ய பைசர் நிறுவனம் மறுப்பு தெரிவித்துள்ளது. இது தொடர்பாக அந்த நிறுவனம் தனது டுவிட்டர் பக்கத்தில் வெளியிட்டுள்ள பதிவில், இந்தியாவில் பைசர் தடுப்பூசிகளை நேரடியாக மத்திய அரசிடம் தான் விற்பனை செய்ய உள்ளோம் என தெரிவித்துள்ளது. அமெரிக்காவைச் சேர்ந்த பைசர் நிறுவனம், ஜெர்மனியைச் சேர்ந்த பையோ எண்டெக் நிறுவனத்துடன் இணைந்து உருவாக்கியுள்ள தடுப்பு மருந்தை இந்தியாவில் அவசர கால பயன்பாட்டிற்கு கொண்டு வருவது குறித்து பேச்சுவார்த்தை நடைபெற்று வருகிறது.