அகில பாரதிய சந்த் சமிதி எனும் அகில பாரத துறவியர் பேரவையின் இரண்டு நாள் மாநாடு டெல்லியில், நேற்று தொடங்கியது. இதில், விஷ்வ இந்து பரிஷத் அமைப்பின் தலைவர்கள், பல்வேறு மடாதிபதிகள், துறவிகள் மற்றும் இந்து அமைப்பைச் சேர்ந்த தலைவர்கள் உட்பட பலர் கலந்து கொண்டனர்.
இதில் பேசிய விஷ்வ ஹிந்து பரிஷத் அமைப்பின் மூத்த தலைவர் ராம் விலாஸ் வேதாந்தி, அயோத்தியில் ராமர் கோயில் கட்டும் பணி அடுத்த மாதம் தொடங்கும் என்றார். இது சட்டத்தாலோ, அவசர சட்டத்தாலோ கட்டப்பட மாட்டாது என்றும், இருதரப்பு ஒருமித்த கருத்தின் அடிப்படையில் கட்டுவோம் என்றும் அவர் கூறினா்.
இந்நிலையில் இரண்டாவது நாள் மாநாடு இன்று நடக்கிறது. இதில் முக்கிய தீர்மானங்கள் நிறைவேற்றப்படலாம் என்று கூறப்படுகிறது.