டிக் டாக் வீடியோ மோகத்தால் கர்நாடகாவில் இளைஞர் ஒருவர் உயிருக்கு போராடிக் கொண்டிருக்கிறார். கர்நாடக மாநிலம் தும்கூர் மாவட்டத்தை சேர்ந்த குமார் என்பவர், டிக் டாக் செயலியில் தொடர்ந்து சாகசம் செய்யும் வீடியோக்களை பதிவிட்டு வந்துள்ளார். புதிதாக வீடியோ ஒன்றை பதிவிட தலைகீழாக குதிக்கும் முயற்சியில் அவர் ஈடுபட்டுள்ளார். அப்போது தவறுதலாக கீழே விழுந்த அவருக்கு முதுகுத் தண்டில் பலத்த காயமடைந்து மருத்துவமனையில் உயிருக்கு போராடிக் கொண்டிருக்கிறார். இந்த வீடியோ தற்பொழுது சமூகவலைத்தளங்களில் வேகமாக பரவி வருகிறது.