கேரள மாநிலம் திருவனந்தபுரத்தில் ஓடும் ஆம்னி காரில் தீ விபத்து ஏற்பட்டதால் பரபரப்பு ஏற்பட்டது. அம்பலமூக்கு பகுதியில் சென்று கொண்டிருந்த ஆம்னி காரில் திடீரென தீப்பிடித்துள்ளது. இதனையடுத்து, ஆம்னி காரை சாலையில் விட்டுவிட்டு ஓட்டுநர் தப்பியுள்ளார். தீப்பிடித்து எரிந்த ஆம்னி கார், தானாகவே நகர்ந்து சாலையில் ஓடியது. இதனால் பரபரப்பு ஏற்பட்ட நிலையில், தீயணைப்புத்துறையினர் உடனடியாக தீயை அணைத்தனர். தீயுடன் ஆம்னி கார் ஓடிய காட்சிகள் வெளியாகி உள்ளன.