செங்கல்பட்டில் கட்டுமான பணிகள் நடைபெற்று வரும் கட்டிடத்தில் சிசிடிவி கேமரா இருப்பது தெரியாமல் திருடிய இரு நபர்களின் சிசிடிவி காட்சிகள் வெளியாகியுள்ளன. திருடிவிட்டு செல்லும்போது "அண்ணா சிசிடிவி கேமரா இருக்குனா, நம்ம மாட்டிக்கிட்டோம் அண்ணா" - என சிறுவன் பதற்றத்துடன் கூறும் காட்சிகள் இணையத்தில் வைரலாகி வருகிறது. செங்கல்பட்டு அடுத்த மாமண்டூர் பகுதியை சேர்ந்த பேரின்பராஜ், சென்னை - திருச்சி தேசிய நெடுஞ்சாலை அருகே பழவேலி பகுதியில் புதிதாக வீடு கட்டி வரும் நிலையில், அந்த கட்டிடத்தில் வைத்திருந்த 100-க்கும் மேற்பட்ட இரும்பு கம்பிகளை மர்ம நபர்கள் திருடிச் சென்றுள்ளனர். இதுகுறித்து அவர் போலீஸில் அளித்த புகாரின் பெயரில்,

சென்னை வண்ணாரப்பேட்டை தமிழ்நாடு வீட்டுவசதி குடியிருப்பு பகுதியை சேர்ந்த தீபக் என்ற இளைஞரை போலீசார் கைது செய்துள்ளனர்.