மகளிர் ஒற்றையர் பிரிவு இறுதிப் போட்டியில் போலந்தை சேர்ந்த நம்பர் ஒன் வீராங்கனை இஹா ஸ்வியாடெக்கும், அமெரிக்க இளம் வீராங்கனை கோகா காஃபும் மோதினர். இதில் அபார ஆட்டத்தை வெளிப்படுத்திய இஹா, 6க்கு 1, 6க்கு 3 என்ற செட் கணக்கில் எளிதில் வெற்றி பெற்று, பிரெஞ்சு ஓபன் சாம்பியன் பட்டத்தை முத்தமிட்டார். 21 வயதே ஆகும் இஹாவிற்கு இது 2வது பிரெஞ்சு ஓபன் பட்டம். மேலும், இந்த வெற்றிமூலம் தொடர்ச்சியாக 35 சர்வதேச டென்னிஸ் போட்டிகளில் வெற்றி பெற்றுள்ள இஹா, அமெரிக்காவின் வீனஸ் வில்லியம்ஸின் சாதனையையும் சமன் செய்துள்ளார்.