நாவலூரில் கத்தியை காட்டி வழிப்பறி செய்த வழக்கில், 4 பேரை போலீசார் விரட்டி பிடிக்க முயற்சித்தபோது, 3 பேருக்கு கை கால் முறிவு ஏற்பட்டது.

செங்கல்பட்டு மாவட்டத்தை சேர்ந்த சுந்தரேசன், பாலாஜி, சோமசுந்தரம் மற்றும் திருச்சியை சேர்ந்த ஆனந்த் ஆகிய 4 பேர் மீது, ஏராளமான கொலை, கொள்ளை வழக்குகள் உள்ளன. நால்வரும் ஜாமீனில் வெளிவந்த நிலையில், நாவலூரில் வழிப்பறி கொள்ளையில் ஈடுபட்டதன் காரணமாக, 4 பேரையும் போலீசார் விரட்டிப் பிடித்து கைது செய்தனர். முன்னதாக 4 பேரும் தப்பிக்க முயன்ற நிலையில், 3 பேர் தவறி விழுந்ததில், அவர்களுக்கு கை கால்களில் முறிவு ஏற்பட்டது. காயமடைந்தவர்களுக்கு மருத்துவமனையில் சிகிச்சை அளிக்கப்பட்ட நிலையில், 4 பேரையும் நீதிமன்றத்தில் ஆஜர்படுத்தி போலீசார் சிறையில் அடைத்தனர்.