நடிகை திரிஷா குறித்து இனி பேசப்போவதில்லை என நடிகர் பார்த்திபன் அறிவிப்பு நடிகை திரிஷா தொடர்பான சர்ச்சை குறித்து இனிமேல் எந்த கருத்தும் தெரிவிக்கமாட்டேன் என்று நடிகர் பார்த்திபன் கூறியுள்ளார். சமீபத்தில் நிகழ்ச்சி ஒன்றில் நடிகை திரிஷா குறித்து பார்த்திபன் கூறிய கருத்து சமூக வலைதளங்களில் பரவி சர்ச்சையான நிலையில், அதற்கு வருத்தம் தெரிவித்தார். இது குறித்து, அவர் வெளியிட்ட வீடியோவில், இந்த விவகாரம் குறித்து விளக்கம் அளித்தாலும் தேவையற்ற சர்ச்சைகள் உருவாவதாகவும், இனிமேல் இந்த விஷயத்தைப் பற்றி பேசாமல் இதோடு முடித்துக்கொள்வதே நல்லது என கூறி சர்ச்சைக்கு முற்றுப்புள்ளி வைத்துள்ளார்.