யோகி பாபு நடித்துள்ள மண்டேலா திரைப் படத்தை மறு தணிக்கை செய்து சர்ச்சையான காட்சிகளை நீக்கக் கோரி உயர் நீதிமன்றத்தில் வழக்கு தொடரப்பட்டுள்ளது. தமிழ்நாடு முடிதிருத்துவோர் சங்கம் சார்பில் தாக்கல் செய்யப்பட்ட மனுவில் மண்டேலா திரைப்படத்தில் முடிதிருத்தும் தொழிலாளர்களை கழிவறை கழுவ செய்தது ,செருப்பால் அடிப்பது போன்ற காட்சிகள் இடம்பெற்றுள்ளதாக குற்றம்சாட்டப்பட்டுள்ளது. மருத்துவர் சமுதாயத்தை புண்படுத்தும் வகையில் உள்ள இந்த காட்சிகளை மறுதணிக்கை செய்து நீக்க வேண்டும் என கோரிக்கை விடுக்கப் பட்டது. இந்த வழக்கு விரைவில் விசாரணைக்கு வர உள்ளது.