திரைப்பட தயாரிப்பாளர் சங்கத் தலைவரான நடிகர் விஷாலின் செயல்பாடு சரியில்லை எனக்கூறி தயாரிப்பாளர் சங்கத்தின் ஒருபிரிவினர் சங்க அலுவலகத்துக்கு பூட்டுப் போட்டனர். பூட்டை உடைக்க முயன்றபோது நடிகர் விஷால் கைது செய்யப்பட்டு, பின்னர் விடுவிக்கப்பட்டார். இந்நிலையில் பூட்டை அகற்ற நீதிமன்றம் உத்தரவிட்டதை அடுத்து, அலுவலகத்துக்கு போடப்பட்ட பூட்டு அகற்றப்பட்டது.
இதனைத் தொடர்ந்து இன்று மாலை 5 மணிக்கு தயாரிப்பாளர் சங்கக்கூட்டம் நடக்கிறது. செயற்குழு உறுப்பினர்கள் மற்றும் நிர்வாகிகள் பங்கேற்க உள்ள இந்த கூட்டத்தில், சங்கத்துக்கு பூட்டு போட்டவர்களை நீக்குவது குறித்தும், பொதுக்குழுவை எப்போது கூட்டுவது என்பது குறித்தும் ஆலோசிக்கப்படும் என தகவல்கள் தெரிவிக்கின்றன.