கமல்ஹாசனின் ஆளவந்தான் படத்தில் ரசிகர்களை மிகவும் கவர்ந்த கடவுள் பாதி, மிருகம் பாதி பாடலை படக்குழு வெளியிட்டுள்ளது. சுரேஷ் கிருஷ்ணா இயக்கத்தில் கமல்ஹாசன் நடிப்பில் 2001ஆம் ஆண்டு வெளியான ஆளவந்தான் படம், எதிர்பார்த்த வசூலை ஈட்டாவிட்டாலும், விமர்சன ரீதியாக பாராட்டுக்களை பெற்றது. இந்த சூழலில், படத்தின் சில காட்சிகளை நீக்கியுள்ள படக்குழு, புதுப்பொலிவுடன் வருகிற டிசம்பர் 8ஆம் தேதி உலகெங்கும் ஆயிரம் திரையரங்குகளில் ரீ-ரிலீஸ் செய்ய உள்ளதாக படக்குழு தெரிவித்துள்ளது.