பெண் ஒருவர் இயக்கி ஒரு பில்லியன் டாலர் வசூல் செய்த முதல் படம் என்ற சாதனையையும் பார்பி திரைப்படம் படைத்துள்ளது. கிரெட்டா கெர்விக் இயக்கத்தில் உருவான பார்பி படம் கிறிஸ்டோபர் நோலனின் ஓப்பன்ஹெய்மர் படத்துடன் கடந்த ஜூலை 21ஆம் தேதி ரிலீசானது. ஆணதிக்கத்தை கருவாக வைத்து பார்பி பொம்மை உலகையும், நிஜ உலகையும் இணைத்து பார்பி படத்தை கிரெட்டா உருவாக்கியுள்ளார். இந்த படம் சர்வதேச அளவில் ரசிகர்களின் வரவேற்பை பெற்ற நிலையில், ஒரு பில்லியன் டாலர் வசூலை படைத்து பெரும் சாதனையை நிகழ்த்தியுள்ளது.