மறைந்த முதலமைச்சர் ஜெயலலிதாவின் வாழ்க்கை வரலாறு திரைப்படமாக உருவாகவுள்ளது. தமிழ், தெலுங்கு, இந்தி என மூன்று மொழிகளில் உருவாகவுள்ள இந்தப் படத்தை, மதராசப்பட்டினம், தலைவா உள்ளிட்ட படங்களை இயக்கிய விஜய் இயக்கவுள்ளார். பல்வேறு பிரபலங்களின் சுயசரிதைகளை திரைப்படமாக எடுத்து வரும் விப்ரி மீடியா நிறுவனம், இந்தப் படத்தையும் பிரமாண்ட பொருட்செலவில் தயாரிக்கிறது. ஜெயலலிதாவின் பிறந்தநாளான பிப்ரவரி 24-ஆம் தேதி அன்று படப்பிடிப்பு தொடங்கவுள்ளது.