#bharathiraja #bharathirajahealth மருத்துவமனையில் இயக்குநர் பாரதிராஜா.. வெளியான புகைப்படங்கள் தமிழ் திரையுலகின் மூத்த இயக்குநர் பாரதிராஜா மருத்துவமனையில் சிகிச்சை பெற்று வரும் நிலையில், பாஜக மாநிலத் தலைவர் நயினார் நாகேந்திரன் நேரில் சந்தித்து, நலம் விசாரித்த புகைப்படங்கள் வெளியாகியுள்ளது. பாரதிராஜாவுக்கு கடந்த டிசம்பர் மாதம் நுரையீரல் தொற்று ஏற்பட்டதையடுத்து, சென்னை தனியார் மருத்துவமனையில் அனுமதிக்கப்பட்டார். மருத்துவமனையில் சிகிச்சை பெற்று வரும் அவரை, நாம் தமிழர் கட்சி ஒருங்கிணைப்பாளர் சீமான், இயக்குநர்கள் லிங்குசாமி, ஏ.ஆர்.முருகதாஸ், அமீர், தயாரிப்பாளர் தாணு மற்றும் பெப்சி தலைவர் ஆர்.கே.செல்வமணி உள்ளிட்டோர் நேரில் சந்தித்து நலம் விசாரித்தனர். இந்நிலையில் சிகிச்சை பெற்று வரும் பாரதிராஜாவின் புகைப்படங்கள் வெளியாகி ரசிகர்களுக்கு வேதனை அளித்துள்ளது.