பிரபல பின்னணி பாடகி ஆஷா போஸ்லே இந்திய மொழிகள் பலவற்றிலும் பல்வேறு பாடல்களைப் பாடி புகழ்பெற்றவர். 90 வயதாகும் ஆஷா போஸ்லே-வின் சுயசரிதையானது 'ஸ்வரவாமினி ஆஷா' என்ற தலைப்பில் புத்தகமாக வெளிவந்துள்ளது. இந்த புத்தக வெளியீட்டு விழாவில் பல்வேறு திரைப்பிரபலங்கள் கலந்துகொண்ட நிலையில், பிரபல பின்னணி பாடகரும், இசையமைப்பாளருமான சோனு நிகாமும் கலந்து கொண்டார். அப்போது, ஆஷா போஸ்லேக்கு மரியாதை செலுத்தும் விதமாக அவரது கால்களை தண்ணீரால் கழுவி விட்ட சோனு நிகாம், அவரது பாதங்களுக்கு முத்தமிட்டார். அப்போது, சோனு நிகாமின் தலையில் கை வைத்து ஆஷா போஸ்லே ஆசிர்வாதம் செய்தார்.