தென்னிந்திய சினிமாவில் முன்னணி நடிகையாக வலம்வரும் நடிகை கீர்த்தி சுரேஷ், இன்று தனது 31-வது பிறந்தநாளை கொண்டாடுகிறார். மலையாள கலையுலக குடும்பத்தின் வாரிசான கீர்த்தி சுரேஷ், குழந்தை நட்சத்திரமாக அறிமுகமாகி, இது என்ன மாயம் என்ற படத்தின் மூலம் தமிழ் சினிமாவில் நுழைந்தார். தொடர்ந்து ரஜினி, விஜய், சூர்யா, தனுஷ் என முக்கிய நடிகர்களுடன் நடித்த கீர்த்தி சுரேஷ், மகாநடி படத்திற்காக தேசிய விருதை வென்றுள்ளார். இந்நிலையில் கீர்த்தி சுரேஷிற்கு ரசிகர்களும், திரையுலக பிரபலங்களும் சமூக வலைதளங்களில் பிறந்தநாள் வாழ்த்துக்களை தெரிவித்து வருகின்றனர்.