பாலிவுட் நடிகர் அக்‌சய்குமார், தொடர் தோல்விகளுக்குப் பிறகு 'பூத் பங்களா' திரைப்படத்தின் மூலம் மீண்டும் வெற்றிப் பாதைக்குத் திரும்பியுள்ளார். 2023-ல் வெளியான 'ஓ மை காட் 2' படத்திற்குப் பிறகு, அவர் நடித்த 8 படங்கள் அடுத்தடுத்து தோல்வியைத் தழுவிய நிலையில், இந்தப் படம் அவருக்குப் பெரிய திருப்புமுனையாக அமைந்துள்ளது.

இயக்குநர் பிரியதர்ஷன் இயக்கத்தில் ஹாரர்-காமெடி பாணியில் வெளியான இப்படம், உலகம் முழுவதும் இதுவரை 150 கோடி ரூபாய்க்கும் மேல் வசூலித்து சாதனை படைத்துள்ளது. தபு, வாமிகா கபி உள்ளிட்டோர் நடித்துள்ள இந்தப் படத்தின் வெற்றி, பாலிவுட் பாக்ஸ் ஆபீஸில் அக்‌சய்குமாரின் மார்க்கெட்டை மீண்டும் உயர்த்தியுள்ளது.