7வது தமிழ்நாடு பிரீமியர் லீக் கிரிக்கெட் தொடரின் இறுதிப்போட்டி, இன்று மாலை நடைபெறுகிறது. கடந்த மாதம் 12ஆம் தேதி தொடங்கிய இந்தத் தொடரில், எட்டு அணிகள் பங்கேற்றன. இதில், ஷாருக் கான் தலைமையிலான லைக்கா கோவை கிங்ஸ் மற்றும் அருண் கார்த்திக் தலைமையிலான நெல்லை ராயல் கிங்ஸ் ஆகிய அணிகள் இறுதிப்போட்டிக்கு முன்னேறின. இந்நிலையில், நெல்லையில் இன்று மாலை நடைபெறும் இறுதிப்போட்டியில், சமபலம் கொண்ட இரு அணிகள் மோதுவதால் விறுவிறுப்புக்கு பஞ்சமிருக்காது என்றே எதிர்பார்க்கப்படுகிறது.