நடிகர் விஜய் படப்பிடிப்பு தளத்தில் ரசிகர்களை சந்தித்த புதியதோர் வீடியோ சமூக வலைதளங்களில் வேகமாக பரவி வருகிறது. வாரிசு திரைப்படத்தின் காட்சிகள் சென்னை எண்ணூர் கத்திவாக்கம் ETPS குடியிருப்பில் படமாக்கப்பட்டு வருகிறது. நாள்தோறும இரவு நேரங்களில் சூட்டிங் நடைபெறுவதால், விஜயை காண கடந்த சில தினங்களாக ரசிகர்கள் அப்பகுதிக்கு படையெடுத்து வருகின்றனர். இந்நிலையில், வழக்கம்போல் படப்பிடிப்பிற்கு வந்த நடிகர் விஜய், மீண்டும் ரசிகர்களை சந்தித்து கையசைத்து மகிழ்ச்சியையும் வெளிப்படுத்தினார். அப்போது, அவரை கண்ட ரசிகர்கள் பயங்கர சத்தங்களை எழுப்பி ஆரவாரம் செய்தனர்.