ஏகே 62 என்ற பெயரை தனது ட்விட்டர் பயோவில் இருந்து இயக்குநர் விக்னேஷ் சிவன் நீக்கியுள்ளது சலசலப்பை ஏற்படுத்தியுள்ளது... நடிகர் அஜித்தின் ஏகே 62 திரைப்படம் விக்னேஷ் சிவன் இயக்கத்தில், லைகா நிறுவன தயாரிப்பில் உருவாக இருப்பதாக அதிகாரப்பூர்வமாக அறிவிக்கப்பட்டது. இந்நிலையில் கடந்த சில நாட்களாக விக்னேஷ் சிவன் ஏகே 62வில் இருந்து விலகியுள்ளதாக தகவல்கள் பரவி வந்த நிலையில், தனது ட்விட்டர் பயோவில் இருந்து ஏகே 62 என்ற பெயரை விக்னேஷ் சிவன் நீக்கியுள்ளது சர்ச்சையை உறுதிப்படுத்தும் விதமாக அமைந்துள்ளது.