தென்காசி மாவட்டம் கடையநல்லூர் அருகே மாவடிக்கால் பகுதியை சேர்ந்தவர் சாமி. இவர் மங்களப்புரத்தில் உள்ள பாண்டி என்பவருக்கு சொந்தமான தோட்டத்தில், தொழிலாளியாக பணிபுரிந்து வந்துள்ளார். அந்த தோட்டத்தில், அகரகட்டு பகுதியை சேர்ந்த ஜோசப் - லில்லி தம்பதி, தங்கி பணிபுரிந்து வந்த நிலையில், இருவரையும் அவருடைய மகன் பெஞ்சமின் அவ்வப்போது வந்து பார்த்துவிட்டு செல்வதாக கூறப்படுகிறது. அவ்வாறு வந்து செல்லும் போது, செலவுக்கு பணம் கேட்டு பெற்றோருடன் தகராறு செய்யும் பெஞ்சமின் , தோட்டத்திலிருந்து, ஆடு, கோழி மற்றும் தேங்காய்களை விற்று பணம் பார்த்து வந்திருக்கிறார். இதை தோட்டத்தில் தொழிலாளியாக பணிபுரிந்து வந்த சாமி, கண்டித்த நிலையில், இருவருக்குமிடையே வாக்குவாதம் ஏற்பட்டுள்ளது. அப்போது, அருகில் இருந்த நொங்கு வெட்டும் அரிவாளை வைத்து சாமியை சரமாரியாக வெட்டி கொலை செய்தது அதிர்ச்சியை ஏற்படுத்தியது. இது குறித்து, தீவிர விசாரணை நடத்தி வந்த போலீசார், தலைமறைவாக இருந்த பெஞ்சமினை கைது செய்து சிறையிலடைத்தனர்.