உக்ரைன் ராணுவ வீரர்களை ஊக்குவிக்கும் விதமாக அந்நாட்டு அதிபர் ஜெலன்ஸ்கி, அவர்களுக்கு விருதுகள் வழங்கி கவுரவித்தார். இது தொடர்பான காணொளியை வெளியிட்டு அவர், தனது ஹீரோக்களுடன் இருப்பதில் பெருமை கொள்வதாகவும், ஆயுதப் படை பிரிவினருக்கு நன்றி தெரிவிக்கும் விதமாக, விருது வழங்கியதாகவும் குறிப்பிட்டுள்ளார். இதனிடையே, அவர் ராணுவ வீரர்களுடன் இன்முகத்தோடு கலந்துரையாடி அவர்களுடன் செல்ஃபி எடுத்துக் கொண்ட காட்சிகள் வெளியாகியுள்ளன.