நாட்றம்பள்ளி அடுத்த ஜெயபுரத்தை சேர்ந்தவர் ஜெயராமன். விவசாயியான இவருக்கும், அதே பகுதியை சேர்ந்த குணசேகரனுக்கும் இடையே நிலத்தகராறு இருந்து வந்ததாக கூறப்படுகிறது. இது தொடர்பாக, ஜெயராமனுக்கும், குணசேகரனின் உறவினருக்கும் வாக்குவாதம் ஏற்பட்டு சம்பவத்தன்று தகராறு முற்றியுள்ளது. இந்நிலையில், அன்று மாலை பணியாண்டப்பள்ளி திமுக ஊராட்சி மன்ற தலைவரான சுந்தரம், தனது அடியாட்களை அழைத்துக்கொண்டு ஜெயராமனை சரமாரியாக தாக்கியது அப்பகுதியில் பரபரப்பை ஏற்படுத்தியது. இதை, ஜெயராமனின் மகளான 6 ஆம் வகுப்பு மாணவி, தந்தை தாக்கப்படுவதை செல்போனில் படம் பிடித்த வீடியோ இணையத்தில் பரவி வரும் நிலையில், போலீசார் விசாரணை நடத்தி வருகின்றனர்.