• ராஜஸ்தானில் தொழிலதிபர் ஒருவரை சரமாரியாக தாக்கி, துப்பாக்கியால் சுட்டு கொல்ல முயற்சித்த‌து அதிர்ச்சியை ஏற்படுத்தியுள்ளது. • ராஜஸ்தான் மாநிலத்தில் உள்ள பதர்பூர் பகுதியில் தொழிலதிபர் ஒருவரை, மூன்று பேர் கொண்ட கும்பல் தாக்கியது. • கீழே சுருண்டு விழுந்த அவரை தடியால் தாக்கியதோடு, அவர்கள் துப்பாக்கியால் மாறி மாறி சுட்டுள்ளனர். இதையடுத்து, ஆட்கள் வருவதைக் கண்டு அவர்கள் ஓட்டம் பிடித்துள்ளனர். • இந்த சம்பவத்தால் அப்பகுதியில் பரபரப்பு ஏற்பட்டுள்ளது. சிசிடிவியில் பதிவான காட்சிகள் வெளியாகியுள்ள நிலையில், சட்டம் ஒழுங்கு சீர்கெட்டுள்ளதாக பாஜக குற்றம் சாட்டியுள்ளது. • ராஜஸ்தானில் நாளுக்கு நாள் துப்பாக்கிச் சூடு சம்பவங்கள் அதிகரித்து வருவதாக தெரிவித்துள்ள மத்திய அமைச்சர் கஜேந்திர சிங் ஷெகாவத், முதலமைச்சர் அசோக் கேலாட்டால் மக்களை காப்பாற்ற முடியவில்லை என விமர்சித்துள்ளார்.