ஈரானில் ஹிஜாப் சரியாக அணியவில்லை என கூறி கலாச்சாரக் காவல் படையினரால் கைது செய்யப்பட்ட மாஷா அமினி என்ற இளம்பெண் காவலில் இருந்த போது மர்ம மரணம் அடைந்தார்... இச்சம்பவத்திற்கு எதிர்ப்பு தெரிவித்து நாடு முழுவதும் போராட்டங்கள் வெடித்தன... போராட்டக்காரர்கள் மீது ஈரானிய அரசு அடக்கு முறைகளைக் கட்டவிழ்த்தது... நூற்றுக்கணக்கான போராட்டக்காரர்கள் கொன்று குவிக்கப்பட்டனர்... மரண தண்டனைகளும் நிறைவேற்றப்பட்டன... தொடர் போராட்டங்களால் அடி பணிந்த ஈரான் அரசு கலாச்சாரக் காவல் படையைக் கலைத்தது... போராட்டங்கள் நடத்த தடை விதிக்கப்பட்டுள்ள நிலையிலும் மக்கள் தங்கள் எதிர்ப்புகளைக் காண்பித்து வருகின்றனர்... போராட்டத்திற்கு ஆதரவு தெரிவித்த ஈரானிய நடிகை கைது செய்யப்பட்ட நிலையில், கஜகஸ்தானின் அல்மாட்டியில் நடந்த சர்வதேச செஸ் போட்டியில்

ஈரான் வீராங்கனை சாரா காடெம் ஹிஜாப் அணியாமல் பங்கேற்றதாகத் தகவல் வெளியாகியுள்ளது... ஏற்கனவே ஹிஜாப் விவகாரம் பற்றி எரிந்து வரும் நிலையில், இச்சம்பவம் மேலும் எரியும் நெருப்பில் எண்ணெய் ஊற்றியுள்ளது...