உலக டெஸ்ட் சாம்பியன்ஷிப் இறுதி போட்டியின் முதல் நாள் முடிவில், ஆஸ்திரேலியா அணி 3 விக்கெட் இழப்பிற்கு 327 ரன்கள் குவித்துள்ளது. இந்தியா - ஆஸ்திரேலியா இடையேயான உலக டெஸ்ட் சாம்பியன்ஷிப் இறுதி போட்டியில், டாஸ் வென்ற இந்தியா பந்து வீச்சை தேர்வு செய்தது. இதனையடுத்து முதலில் பேட் செய்த ஆஸ்திரேலிய அணியில், கவாஜா டக் அவுட் ஆனார். வார்னர் 43 ரன்களில் ஆட்டமிழக்க, லபுஷேன் 26 ரன்களில் வெளியேறினார். இருப்பினும் ட்ராவிஸ் ஹெட் மற்றும் ஸ்மித்தின் சிறப்பான ஆட்டத்தால், ஆஸ்திரேலியா அணி முதல்நாள் ஆட்ட நேர முடிவில், 3 விக்கெட் இழப்பிற்கு 327 ரன்கள் குவித்து வலுவான நிலையில் உள்ளது. ஸ்மித் 95 ரன்களுடனும், அதிரடியாக விளையாடிய ட்ராவிஸ் ஹெட் 146 ரன்களுடனும் களத்தில் உள்ளனர்.