ஐபிஎல் தொடரின் 57வது லீக் போட்டியில் மும்பை அணி 27 ரன்கள் வித்தியாசத்தில் குஜராத் அணியை வீழ்த்தியது. மும்பை வான்கடேவில் நடந்த போட்டியில் முதலில் பேட் செய்த மும்பை, 20 ஓவர்களில் 5 விக்கெட்டுகள் இழப்புக்கு 218 ரன்கள் குவித்தது. சிறப்பாக விளையாடிய சூர்யகுமார் யாதவ் ஐபிஎல் தொடரில் தனது முதல் சதத்தை பூர்த்தி செய்தார். பின்பு பேட் செய்த குஜராத் அணி, 8 விக்கெட்டுகள் இழப்புக்கு 191 ரன்கள் மட்டுமே எடுத்து தோல்வியை தழுவியது.