தற்போது இந்த நிறுவனம் நடிகர் சூர்யா நடிக்கும் 'வாடிவாசல்' திரைப்படத்தை தயாரித்து வருகிறது. இதில் நடிக்க துணை நடிகர்கள், நடிகைகள் தேவைப்படுவதாகவும், விருப்பமுள்ளவர்கள் கூகுள் பே மூலமாக பணம் செலுத்துமாறும் போலி விளம்பரம் செய்யப்பட்டுள்ளது. இதனை நம்பி பலரும் ஆன்லைனை் மூலமாக பணத்தை செலுத்திய நிலையில், தியாகராய நகரில் உள்ள கலைப்புலி தாணுவின் அலுவலகத்திற்கு வந்துள்ளனர். இதுதொடர்பாக விசாரித்தபோது, 2 மர்மநபர்கள் தயாரிப்பு நிறுவனத்தின் பெயரை தவறாக பயன்படுத்தி, மோசடியில் ஈடுபட்டது தெரியவந்தது. அதனைத் தொடர்ந்து, அந்த நிறுவனத்தின் இணை இயக்குனர் ஜெகதீசன், தேனாம்பேட்டை காவல் நிலையத்தில் அளித்த புகாரின் அடிப்படையில், போலீசார் விசாரணை நடத்தி வருகின்றனர்.