இந்திய ஒலிம்பிக் சங்கத்தின் தலைவராக மாநிலங்களவை எம்.பி. பி.டி.உஷா தேர்ந்தெடுக்கப்பட்டுள்ளார். இதுகுறித்து மகிழ்ச்சி தெரிவித்துள்ள அவர், விளையாட்டுத் துறையின் மேம்பாட்டுக்குத் தாமும், தனது அணியினரும் சிறந்த முறையில் பணியாற்றப்போவதாக கூறினார். சர்வதேச அரங்கில் இந்தியாவுக்கு பெருமை சேர்க்கும் வகையிலும், விளையாட்டில் இந்தியா மேலும் விருதுகளை வெல்லும் வகையிலும் இணைந்து பாடுபடுவோம் என்றும் அவர் கூறினார். இந்நிலையில், இந்திய ஒலிம்பிக் சங்கத்தின் முதல் பெண் தலைவர் என்ற பெருமையையும் பி.டி.உஷா பெற்றுள்ளார்.