தேசிய அளவில் பா.ஜ.க.வை தோற்கடிக்க வேண்டும் என்ற ஒரே நோக்கத்துடன் எதிர்க்கட்சிகள் ஒன்றிணைந்துள்ளதாக, மார்க்சிஸ்ட் கம்யூனிஸ்ட் அரசியல் தலைமை குழு உறுப்பினர் ஜி.ராமகிருஷ்ணன் தெரிவித்துள்ளார். நெல்லையில் செய்தியாளர்களிடம் பேசிய அவர்,
மணிப்பூரில் 150-க்கும் மேற்பட்டோர் கொல்லப்பட்ட நிலையிலும், கலவரத்தை கட்டுப்படுத்த பிரதமர் முயற்சிக்கவில்லை என குற்றம் சாட்டினார். பா.ஜ.க ஆளாத மாநிலங்களில் ஆளுநர்களை நியமித்து,
அங்குள்ள ஆட்சியை சீர்குலைக்கும் செயலை மேற்கொண்டு வருவதாகவும், தமிழக ஆளுநரை திரும்பப் பெற வேண்டும் என்றும் ஜி.ராமகிருஷ்ணன் வலியுறுத்தினார்.