முன்னாள் முதல்வர் கருணாநிதியின் பிறந்த நாளை ஒட்டி, சென்னை ராயப்பேட்டையில் உள்ள உட்லண்ட்ஸ் திரையரங்கில், அவருடைய வசனத்தில், சிவாஜி கணேசன் நடிப்பில் உருவான பராசக்தி திரைப்படம் திரையிடப்பட்டது. இந்த நிகழ்ச்சியில் திமுக துணை பொதுச் செயலாளர் கனிமொழி, மத்திய சென்னைஎம்.பி. தயாநிதி மாறன், நடிகர் பிரபு ஆகியோர் சிறப்பு விருந்தினராக கலந்து கொண்டு திரையிடலை தொடங்கி வைத்தனர். நிகழ்ச்சியில் பேசிய நடிகர் பிரபு, தனது தந்தை சிவாஜி கணேசனுக்கும், முன்னாள் முதல்வர் கருணாநிதிக்கும் இடையிலான நட்பு குறித்து பகிர்ந்து கொண்டார்.