புதுக்கோட்டை மாவட்டம் கல்லூரில் நடைபெற்ற மஞ்சுவிரட்டு போட்டியில் பாதுகாப்பு பணியில இருந்த மீமிசல் காவல் நிலைய காவலர் நவநீதிகிருஷ்ணன், மாடு முட்டியதால் உயிரழந்தார். இந்த செய்தி அறிந்து வேதனை அடைந்த‌தாக முதலமைச்சர் ஸ்டாலின் தெரிவித்துள்ளார். அவரது குடும்பத்தாருக்கு இரங்கலை தெரிவித்துள்ள ஸ்டாலின், 20 லட்சம் ரூபாய் நிதியுதவி வழங்கப்படும் என அறிவித்துள்ளார். அதே மஞ்சுவிரட்டு போட்டியில் பார்வையாளாராக இருந்த திருமயத்தை அடுத்த கே.புதுப்பட்டியை சேர்ந்த சுப்பிரமணியன் குடும்பத்திற்கும் இரங்கல் தெரிவித்துள்ளார். மேலும், அவரது குடும்பத்தாருக்கு 3 லட்சம் ரூபாய் முதலமைச்சரின் நிவாரண நிதியில் இருந்து வழங்கப்படும் என்றும் அறிவித்துள்ளார்.