சென்னை விமான நிலையத்தில், புதிய ஒருங்கிணைந்த அண்ணா பன்னாட்டு முனையம், இன்று முதல் பயன்பாட்டுக்கு வந்தது. இதனை, கடந்த 8-ஆம் தேதி, முதலமைச்சர் ஸ்டாலின் முன்னிலையில் பிரதமர் மோடி திறந்து வைத்தார். இந்நிலையில், இன்று முதல் செயல்பாட்டுக்கு வந்த இந்த முனையத்தில் முதல் விமானமாக, டாக்கா விமானம் வந்து சேர்ந்தது. இதற்கு தண்ணீர் பாய்ச்சி, பயணிகளுக்கு பூ கொடுத்து வரவேற்பு அளிக்கப்பட்டது.