தேசிய அளவிலான செஸ் போட்டியில் 7 வயதுக்குட்பட்டோருக்கான பிரிவில், உடையார்பாளையத்தை சேர்ந்த சிறுமி முதலிடம் பிடித்து அசத்தியுள்ளார். அரியலூர் மாவட்டம் உடையார்பாளையத்தை சேர்ந்தவர் 7 வயது சிறுமி சர்வாணிகா. இவர், அகமதாபாத்தில் நடைபெற்ற தேசிய செஸ் போட்டியில், 7 வயதுக்குட்பட்டோருக்கான பிரிவில் பங்கேற்றதோடு, அந்த பிரிவில் இந்திய அளவில் முதலிடம் பிடித்து அசத்தியுள்ளார். இதனையடுத்து அவர் பயிலும் ஊராட்சி ஒன்றிய தொடக்கப்பள்ளி சார்பாக, சிறுமி சர்வாணிகாவுக்கு வரவேற்பு விழா நடைபெற்றது. வட்டார கல்வி அலுவலர் பங்கேற்ற இந்த வரவேற்பு விழாவில், சிறுமிக்கு மேளதாளங்களோடு வரவேற்பு அளிக்கப்பட்டது குறிப்பிடத்தக்கது.