நடிகர் விஜய்யின் "நான் ரெடி தான்" பாடல் சர்ச்சையான நிலையில், அந்த பாடலை கோவை மாநகராட்சி நிர்வாகம் எல்.இ.டி திரையில் ஒளிபரப்பியது. விஜய் நடிப்பில் உருவாகி வரும் லியோ படத்தின் "நான் ரெடி தான்" பாடலில், விஜய் புகைப்பிடிப்பது, மது அருந்துவது போன்ற காட்சிகள் வெளியாகி சர்ச்சையை ஏற்படுத்தியது. இதனிடையே, கோவை மாநகராட்சிக்கு சொந்தமான ரேஸ்கோர்ஸ் பகுதியில் உள்ள டிஜிட்டல் டவரில், "நான் ரெடி தான்" பாடல் ஒளிபரப்பப்பட்டது. இது தொடர்பான வீடியோ சமூக வலைதளங்களில் வைரலாகி வருகிறது.