காரைக்காலில், அரசு நிகழ்ச்சிக்கு அமைச்சர் சந்திர பிரியங்கா தாமதமாக வந்ததை தொடர்ந்து, பிரதிநிதிகளிடம் வருத்தம் தெரிவித்துக் கொண்டார். புதுச்சேரி, ஆதிதிராவிடர் நலம் மற்றும் பழங்குடியினர் நலத்துறையின் சார்பில் நலத்திட்டங்கள் தொடர்பாக, எஸ்.சி., எஸ்.டி சங்க பிரதிநிதிகளுடன் ஆலோசனை மற்றும் ஆய்வு கூட்டம் நடைபெற்றது. இந்த கூட்டத்திற்கு அமைச்சர் சந்திர பிரியங்கா சுமார் 2 மணி நேரம் தாமதமாக வந்துள்ளார். இதனால், அமைச்சரிடம் பிரதிநிதிகள் கேள்வி எழுப்பினர். இதைத் தொடர்ந்து, தாமதமாக வந்ததற்காக அமைச்சர் வருத்தம் தெரிவித்துக் கொண்டார்.