தேமுதிக தலைவரும் நடிகருமான விஜயகாந்த் இன்று தனது 33 வது திருமண நாளை கொண்டாடினார். அதிகாலை முதல் சென்னை சாலிகிராமத்தில் உள்ள விஜயகாந்த் இல்லத்தில் குவிந்த தேமுதிக தொண்டர்களும், ரசிகர்களும் பரிசு பொருட்களை வழங்கி அவருக்கு வாழ்த்து தெரிவித்து சென்றனர். திருமணநாளை கேக் வெட்டி கொண்டாடிய பிரேமலதா விஜயகாந்த், அதனை ரசிகர்களுக்கு வழங்கி மகிழ்ந்தார். விஜயகாந்த் - பிரேமலதா தம்பதியை நேரில் சந்தித்த திரைப்பட இயக்குனர் எஸ்.ஏ. சந்திரசேகர் அவர்களுக்கு திருமண வாழ்த்துக்களை தெரிவித்தார்.

பின்னர் செய்தியாளர்ளிடம் பேசிய அவர், விஜயகாந்த் நல்ல ஆரோக்கியமாக இருப்பதாக தெரிவித்தார்.