மணிப்பூர் மாநிலத்தில் பதற்றமான சூழ்நிலை நிலவி வருவதால், அந்த மாநில முதல்வர் என்.பிரேன் சிங்கை மத்திய உள்துறை அமைச்சர் அமித் ஷா காணொலி மூலம் தொடர்பு கொண்டு ஆலோசனை நடத்தினார். மணிப்பூரின் அண்டை மாநில முதல்வர்களுடனும் அமித்ஷா பேசியுள்ளார்.
இதற்கிடையே, மணிப்பூரில் கலவரத்தை கட்டுப்படுத்த பாதுகாப்புப் படையினர் அதிக அளவில் குவிக்கப்பட்டுள்ளனர். இந்நிலையில், மணிப்பூர் மக்கள் வதந்திகளுக்கு செவிசாய்க்க கூடாது என அறிவுறுத்தி வீடியோ வெளியிட்டுள்ள ஆளுநர் அனுசுயா உய்கே, போராட்டக்காரர்களை கண்டதும் சுடுவதற்கும் உத்தரவிட்டுள்ளார்.