அந்த சோகத்தில் கடந்த சில தினங்களுக்கு முன்னர், முத்தையா தற்கொலைக்கு முயன்றதாக சொல்லப்படுகிறது. இதை அறிந்த சுதா, குடும்பத்தாரை எதிர்த்துக்கொண்டு முத்தையாவுடன் பைக்கில் ஊர் சுற்றி வந்திருக்கிறார். 3 முறை முத்தையாவின் வீட்டிற்கே வந்து சென்றுள்ளார். சம்பவம் நடந்த அன்று மதியமும் சுதாவை வீட்டிற்கு அழைத்து வந்ததாக தெரிகிறது. அதன் பிறகு தான் முத்தையாவுக்கு இப்படி ஒரு கொடூரம் நடந்திருக்கிறது. எனவே காதலை கைவிடாத கோவத்தில் சுதாவின் குடும்பத்தினர் இந்த கொலையை செய்திருக்கலாம் என சந்தேகிக்கப்படுகிறது.அதுமட்டுமல்லாமல் முத்தையா கஞ்சா பழக்கத்திற்கு ஆளானவர் என்று சொல்லப்படுகிறது. வேலை நேரம் போக மத்த நேரத்தில் போதையை போட்டு கொண்டு மிதப்பது இவரது பொழுதுபோக்கு. அதுமட்டுமின்றி கஞ்சா விற்பனையும் செய்து வந்ததாக சொல்லப்படுகிறது.சம்பவம் நடந்த அன்று இரவு நண்பர்களை சந்திப்பதாக சொல்லிவிட்டே வெளியே சென்றுள்ளார் முத்தையா. இதனால் நண்பர்களுக்கிடையே ஏற்பட்ட தகராறில் முத்தையா அடித்து கொல்லப்பட்டிருக்கலாமோ என்ற கோணத்திலும் போலீசார் விசாரனை நடத்தி வருகின்றனர்.